نڤیسین: ھەلز سمیر حجی
پەیوەندیا پێكئینانا ھەڤژینێ ئیك ژ پەیوەندین گرنگە ژیانا ھەر كەسەكی دا ل سەر ئاستێ خێزانێ و جڤاكی، پەیوەندیەكا موكم ھێز دناڤبەرا ھەردوو رەگەزان دا ھەبیت ژ لایێ لێك تیگەھشتنێ،ڕێزگرتن،باوەریێ،ڤیانێ،ھەڤدوو قەبولكرنێ…ھتد.
د گوتارا بۆری دا ب شێوەیەكێ گشتی باس ل بابەتێ كێشەین ژنانن كربوو ل ڤیرێ دێ دڕێژی ب تەوەرێ خۆ دووێ باس لێ كەین:
پەیوەندیا پێكئینانا ھەڤژینێ ژ لایێ جڤاكی ڤە دوو شێوازا دھێتە ئەنجام دان .ئیك/پەیوەندیا ھەڤژینێ یا تەقلیدی
دوو/پەیوەندیا ھەڤژینێ ڕێكا حەژێكرنێ ئیكدوونیاسینێ. ھەدووكان باشی و خرابێن خۆ ھەین و كارتێكرنا خۆ یاھەی ژیانا كەسی دا.
ھەر بریارەك و پەیوەندیەكا گەلەك دەست و لایەن مایتێكرنێ تێدا بكەن چ خێزان بت یان ژی كومەلگەھـــ بیت ئەڤ پەیوەندییە بەرەڤ لاوازێ و ساراتێ دچیت و جھێ گومانێ یە ژناڤ بچیت ژی. وەك نموونە:خێزانا كچێ دێ كچا خۆ پاڵدەنە ڤێ پروسێ ژبەر تەمەنێ وێ ژ 25سالێ بوریە ھەر كەسێ ھات ئەو خاست دێ گڤاشتنێ ئێخنە سەر ب ئەگەرێ ھندێ ژبەركو مالەكا باشە و جفاك دەروبەر بێژن یێ باشە باشە ما مەرجە بنەمالێن باش و جفاك چاڤێ باشی تەماشە بكەت ئەرێ ئەو كەسە ژی دێ كەسەكێ باش بیت وەك وان؟؟! جھێ پرسیارێ یە، دڤێت مروڤ كەساتیا وی بخۆ بینتە بەر لێكولینێ و بزانت خۆدان چ كەساتی و ڕەفتار و سەرەدەریە گەل تە گونجیت یان نە ھوون دشێن ھەڤدوو قەبول بكەن و بەرپرسیارەتێ وەربگرن یان نە ئەرێ ھوین دشین خۆدان بریارێن ساخلەم بن یان نە؟ئەڤە و گەلەك پرسێن دی دڤێت بزانن شنی بریارێ بدەن لەزكرن بریارێ دا نە كارەكێ چاكە و باشە.
ھەروەسا لایەنێ دی ژی كومەلگەھێ ژی كارتێكرنا خۆ ل ڤێ پروسێ ھەیە چونكی ئەم جڤاكەكێ عەشائیرینە ئەم گەلەك گرنگێ دابونەریت و پەیوەندین جفاكی دەین. گەلو گونەھا كچەكێ چیە ئەگەر ئەندامەك ژ لەشێ وێ یێ پەكەڤتی بیت یان نەیێ درست بیت یان ئاریشەكا دەماغی و دەروونی ھەبیت یان بەری ھنگی د چاڤێن جڤاكی دا كەرامەتا وێ ھاتبتە شكاندن سفكاتی ھەست و ھزر ھێزا وێ ھات بتە كرن یان بەری ھنگی پەیوەندی گەل كەسەكی ھەبیت و ھاتبیتە بەردان ژبەر ھەر ئەگەرەكێ دیاركری،یان ژلایێ ئابوری ڤە یا بێ دەستھەلەت بیت،یان تەمەنێ وێ گەھشت بیتە 30 پتر ب قەیرە ناڤ دكەن جڤاك!
ئــــــەرێ كـــا مافێن ڤان كی خۆ ل ڤان كەتە خۆدان ؟ئــــــەرێ ڤان ماف نینە پەیوەندییا ھەڤژینێ پێكبینن ماف نینە بنە دەیك؟
سەرەرای ھندێ دەمێ زەلام بیت كومەلگەھێ مەدا تەمەنێ وی چەندێ مەزن بیت چ كێم و كاسی لێ بن ین جەسەدی و دەروونی ڤان دیار ناكەن خودان دوو ھەڤژین ژی بیت ژبەر ھەبوونا كورەكی دا جھێ وی بگریت ئیكا دی بو خازن و دڤێت یا تێگەھشتی بیت و بەری نۆكە زەواج نەكربیت و یا پاقژ بیت چ كێشەین جەستەی نەبن شیانێن زاروكا ھەبن و یا جوان بت ئەڤە ھەمی درستن ژبەركو ھەبوونا سیستەمێ نێرسالاری ناڤ مەدا زێدەیە ئەم پتر گرنگێ دەینە دەرڤەی ژینگەھا ئەم تێدا دژین ،ئەڤ چەندە ژی داھاتی دا گەلەك كێشە و ئاریشان دیڤ خۆ ئینت بگرە ژ خیانەتێ،ئاریشین پەروەردەكرنێ،ئاڕیشین جفاكی،ین دەروونی ین كەساتیێ،ژێكجودابوون تەلەق. تـــەوەرێ دی یێ بھێت دێ پتر سەر ڤان بابەتا دڕێژی باس لێ كەین.
