ڤەگێر رمضان
ژینگەها یاسایی ئاماژەیە بۆ ئەوێ چوارچوڤە یێ یاسایی و ڕێکخستی د ئەڤی چوارچوڤەیدا بازرگان و خودان کار لدیڤ یاسایێ کاردکەن، یاسا ۆ ڕێسا ۆ سیاسەتێن لایەنێن جۆراوجۆرێن ئابووری و کارگێڕی و بازرگانی ب خۆڤە دگریت وەکی تۆمارکرنا کۆمپانیا، باج، کارکرن، خودانێ هزرا بازرگانی (الملكية) و گرێبەستێن ڕێڤەبرن و کارکرنێ، دڤێت ئەو ژینگەها یاسایی یا دادپەروەرانە ۆ بێ لایەن بیت ببیتە پالپشت و هاندەر بۆ کارسازیێ نە هێتە بکارئینان بۆ زەحمەتکرنا کاری هەروەسا بشێت بهێتە گوهرین لدیڤ پێشکەفتنێن تکنلوجی و جیهانی.
کاریگەریا ژینگەها یاسایی لەسەر کارسازیێ دێ یا هاریکار بیت بۆ کەسێن کارساز زیتر بهێنە دناڤ بازارێ کاری دا و هەبوونا یاسایێن نەرم و ئاشکەرا دێ ئاسانکاریێ بۆ خودان کاران دروست کەت بۆ دەستپێکرنا پڕۆژەییان هەروەسا ئاسانکاری بهێنە کرن بۆ بازرگانان ب ڕێکێن دیجیتاڵی بۆ نموونە: (تۆمارکرنا ئەلیکترۆنی) ئەڤ چەندە دێ بیتە ئەگەرێ ب ساناهی بوونا ڕێکاران و کارساز دێ ئارامتر بیت، دگەل ڤێ چەندێ ژی پاراستنا مافێن خودان کاری
خودانێ هزری (الملكية الفكرية) یا گرنگە بۆ هەبوونا یاسایێن بهێز کۆ پارێزگاری ل هزر و داهێنانان بکەت هاریکارە بۆ پێشخستنا داهێنانان هەروەسا پاراستنا گرێبەستان و دابینکرنا میکانیزمێن یاسایی بۆ چارەسەرکرنا ناکۆکییان دێ هاریکاربیت بۆ چارەسەرکرنا ئاریشێن د ناڤبەرا هەڤبەشان و وەبەرهێنەران هەروەسا دێ یێ پشتراست بیت ژ دزینا هزرا خۆ یا کاری، د نوکەدا مە کێماسی یا د ڤی بابەتی دا هەی و گەنج و کەسێن خودان هزرێن کارسازیێ نەشێن هزرێن خۆ بدەنە وەبەرهێنەران چونکی چ گرنتی بو هزرا کەسێ کارساز نینە، چێدبیت ئەو هزرە بەلاڤبیت و ژ دەست دەرکەڤیت.
نموونە: ئەگەر خودان کارەک بزانیت کۆ هزرا وی ژ لایێ یاسایی ڤە یا پاراستیە، ل وی دەمی دێ زێدەتر یێ ئامادەبیت هزر و پلانا خۆ دگەل وەبەرهێنەران باس بکەت ئەڤ چەندە دێ بیتە ئەگەر کارسازی بەرەڤ پێش بچیت.
ڕاکێشانا وەبەرهێنانێ ئەو یاسایێن شەفافیەت و لێپرسینێ دیار دکەن دێ بنە هاندەر بۆ وەبەرهێنانا ناڤخۆیی و بیانی هەروەسا ڕێکخستنا پەیوەندیێن دناڤبەرا کارساز و وەبەرهێنەران (وەکی یاسایا خودانیێ (الملكية، پشک ..) یا هاریکارە بۆ بدەستڤەئینانا سەرمایەی.
نموونە: ل ئەوان وەڵاتێن کو یاسایێن بهێز هەین کۆ مافێ خودان پشک و وەبەرهێنەران دابین دکەن و پارێزن، ژینگەها وەبەرهێنانێ سەلامەتترە و باوەری پتر یا تێدا هەی.
پێشخستن و گەشەکرنا بەردەوام ژینگەها یاسایی هاندەرە بۆ گەشەکرنا کاری د بازاری دا ب ڕێکا ساناهیکرنێ بۆ تۆمارکرنا تایێن نوی یێن بازرگانی و ڕێکارێن هناردەکرنا بەرهەمان و کارکرنا کومپانیێن نیڤدەولەتی، بکارئینانا ئەوان سیاسەتێن کۆ پشتەڤانییا کارسازیێ دکەن، وەک کێمکرنا باجێ یان هاریکاریێن دارایی پشکدارن د گەشەکرنا کارسازیێ و کۆمپانیا دا دکەن.
