زوھێر کورەمارکی
خواندن و نڤێسین و وەرگرتنا پێزانین و خۆئاڤاکرن ھێزە گوھۆڕینا دھەمی سکتەرێن ژیانێ دا پەیدا دکەت. بێی خواندن، مرۆڤ دشێت بێژیت، مرۆڤ مرۆڤەکێ نابینایە گەلەک تشتا نابیت و ماف و ئەرکان ژی ژێکجۆدا ناکەت و ھەمی دەما یێ تەپە سەرە وژیانا وی یا پڕی ئاستەنگ و نەخۆشی یە و ئالۆزی بەرووکێن وی بەرنادەن. لەومانێ داخازکرنا زانست و زانینێ پێدڤییەکا گرنگە دڤێت ھەر تاکەک زەڤیا مەژیێ خۆ پێ تێر ئاڤ بدەت دا ئەو ژی ل گۆڕەپانا ژیانێ بکاریت پێشبڕکێ بکەت و ھەسپێ خۆ دەربازی قۆناغێن باشتر و پێشکەفتیتر بکەت. ئەم ھەمی دزانین خاندن،زانینێ پەیدا دکەت زانین چاڤێن مرۆڤی ڤەدکەت و یاسایا پەیدا دکەت و یاسا ژی ھێزێ پەیدا دکەت و ھێز گوھۆڕینا پەیدا دکەت و تاک و جڤاک و مللەتان بەرەو ئاسۆیێن گەش و بدەستڤەئینانا ھەمی مافاڤە دبەت. دەمێ ئەم دبێژینە خەلکی بخوونن خۆ ئاڤا بکەن و خۆ رۆشەنبیر بکەن بۆ ھندێ یە دا چاڤێن وان ژی ل ژیانێ ڤەببن و ژیانا دەولەت ومللەتێن بیانی ببینن یا خۆ ژی ببینن دا بزانن خەلکێ لکیڤە یە و ئەو لکیرێ نە؟ باش بزانن ئەو گەل و مللەت یێن بخواند و زانینێ گەھشتینە وان قۆناغێن پێشکەفتی و گرنگ و ئەرک و مافێن خۆ باش دزانن و ناھێلن کەس مافێ وان بخۆت، وەلێ ھێشتا ئەم کوێلە و بەندێن ھندەک داب و نەریت وھندەک شەخس و کەسایەتیاینە، لەومانێ ئەم باڕ وەستیای و باڕ کەفتینە و ژیانا مە یا پڕی دەردەسەری نەخۆشینە مافێن مە باراپتر دخارینە ئەم نەوێرین یادترسین داخاز بکەین یان لێبگەڕین و بدەستڤە بینین چونکی مە ھێزا زانینێ نینە و یا ژمڤە ئەڤا ھەی یا ژمە زێدەیە، کەکو دێ خۆ ھشیار بکە وڵا ھند مافێ تە یێ دھێتەخار تۆ ب حاسیبا ژی نەشێی بھەژمێری ما حەتا کەنگی دێ ئەڤ دەبەنگەبی.
