هەلز عەلی سەلیم
دیاری بۆ گیانێ شەهیدا وەلاتێ من لەیلا قاسم
دەما چاڤێن من ب ئازادیا خۆ ل ژیانەکا بێ سەمیان ڤە بووین … ناخێ من پڕ بوو ژ هیڤیا و من گەلەک دڤیا دەریایەکا ئۆمێدا بدانمە وارگەهێ خۆ دا بکەڤمە د ناڤبەرا مرن و ساخ بوونێ دا… وارگەهێ من یێ ب ناڤ دەنگ بوو ب باژێرێ بەرزەبوونێ… پێنگاڤ پێنگاڤ وەکی کەسەکێ هەستدار د چوومە د باژێرکێ دیدا، پڕی خەون بناڤێ وارگەهێ ئۆمێدا… لێ دەما ب دەرگەهی کەتیم من ب هزارا چاڤ بلوق و سەر مەزن دیتن، وەکی هۆڤەکی… دینەکی… مەژیێ من راقەتیا لێ دەمەک چوو من گۆت: من شۆلە ژ وان نینە، تێگەها مەزن ئەز گەهشتمە وارگەهێ ئۆمێدا و من هزر دکر دێ چیایەکی ژ ئاشۆپا خەونا مەزنتر چ کەم و هێدی … هێدی من کەفر چێکرن تا بوویە چیا و ل دەمێ دا کەلها ژیانێ چێکەم… ژ نشکەکێ ڤە قەلارەشەکێن ژ کەربێن خۆدا شێت بووین ل دوورماندووری کەلها منا ئۆمیدا وەربوون و ئەز گۆنەهبارترین کەس د دیرۆکا باژێری دا تۆمارکرم ، لەورا گەهاندمە بەر جەنگێن شاهەکێ مینا هرچا و ب حیل حیلا خۆ ب عشقا ئۆمێدا من دکەنی و دگۆت: تۆیا ژ دەستووریدانا من دەرکەتی.
چیایێ من ل باژێرێ ئۆمێدا بلند کری و گەلها ئاڤا ئەینا من ڤەخۆاری کەتە دەستێن قەلەرەشکا ڤە و بوو مە پێترانکا ئەزمانێ وانێ بێ نڤێژ… و هزرێن نەمانێ و خۆینا خەما د مێشکێ من دا هاتە رێژتن لێ بێ هیڤی نە بووم و من دزانی دێ باژێرێ من ئازاد و رزگار بیت و کچێن باژێرێ من دێ خەملا ئازادی راگەهین و وان قەلەرەشەکا کەنە دیڤەلانکێن وان بێ وژدانێن چ ژ هیڤانێ ئازادیێ نە دزانی… ئەڤرۆ هاتمە سیدارەدان بەلێ کەلها من هەرا مەزن دبیت عشقا یەزدانی یا پاک دبیت
