زه‌هرا به‌رواری
به‌ریا 51 سالان كچه كورده‌كا خۆڕاگر ب تنێ كو كورد بوو ژبه‌ر هه‌لوه‌ستێن وێ یێن نه‌ته‌وه‌یی ژ لایێ رژێما به‌عسا ژناڤچوویی ڤه هاته سێداره‌دان و ب بووكا كوردستانێ هاتیه ناڤداركرن، له‌یلا قاسم هاته شه‌هیدكرن، به‌لێ هه‌ر رۆژ ده‌هان ئافره‌تێن كورد بۆ سه‌ربه‌خۆیێ و ئازادیێ د بن لایلا قاسم و تێكۆشینێ دكه‌ن بۆ وێ چه‌ندێ كورد بگه‌هن هه‌موو ئارمانجێن خوه ژبلی كو ئافره‌ت ب هه‌موو مافێن خوه یێن ژیانێ شاد ببن.
له‌یلا قاسم هێمایێ خۆ راگریێ بوو ل به‌رامبه‌ر هه‌موو وان زۆلم و زۆرداریا به‌رامبه‌ر هاتیه‌كرن هه‌تا رۆژا شه‌هیدبوونێ، خه‌باتا له‌یلا قاسم بوویه هێڤینێ، له‌یلا قاسم نموونه‌یا كچێن چه‌له‌نگ و چاڤ نه‌ترس بوو ئێش و ژانێن وه‌حشیگه‌رانه‌یا به‌عس نه‌شیان له‌یلا ژ هه‌لوه‌ستێن وێ یێن نه‌ته‌وه‌یی په‌شێمان بكه‌ن، هه‌ر یا رژدبوو ل سه‌ر بزاڤێن خوه یێن كوردانه. ب ره‌نگه‌كێ هه‌ستێ كوردانه د ناخێ له‌یلا دا هه‌بوو هه‌تا كو ب جلكێن كوردی به‌ره‌ڤ په‌تكێ سێداره‌یێ چوو، گۆت ب ڤان جلكێن كوردی دێ بمه بووكا كوردستانێ.
ده‌ما جه‌لادێن رژێمێ ڤیایی له‌یلایێ ل سێداره بده‌ن گۆت دێ هزاره‌ها كورد هشیار بنه‌ڤه به‌خته‌وه‌ر و خۆشحالم كو گیانێ خوه فیدایێ رزگاریا كوردستانێ بكه‌م، رۆژا 12-5-1974 له‌یلا قاسم و چار ل هه‌ڤالێن وێ ب ناڤێ جه‌واد هه‌مه‌وه‌ندی و نه‌ریمان فوئاد و حه‌سه‌ن حه‌مه ره‌شید و ئازاد سلێمان سێداره‌دان. كێمن ئه‌و مرۆڤێن پشتی مرنێ ژیانا دروستا وان ده‌ستپێدكه‌ت، له‌یلا ئێك بوو ژ وان مرۆڤان پشتی سێداره‌دانێ هه‌ستێ نه‌ته‌وه‌یێ هزار كوردان بلند و گه‌ش بوو ڤه. ژبه‌ر قه‌هره‌مانیا له‌یلا قاسم پشتی سێداره‌دانێ ل هه‌ر چار پارچێن كوردستانێ هزاره‌ها كچێن نوو ژ دایكبوویی ب له‌یلا هات.
