پێنگاڤ، شاكر ئةتروشى:
ب هه‌لكه‌فتا رۆژا رۆژنامه‌ڤانیا كوردی و ب چاڤدێریا به‌رێز (د.عه‌لی ته‌ته‌ر) پارێزگه‌رێ دهۆكێ، سه‌ندیكا رۆژنامه‌ڤانێن كوردستانێ/ لقێ دهۆك، دوهی رۆژا شه‌مبی، رێكه‌فتی 3/5/2025 سه‌یرانه‌ك بۆ هژماره‌كا زۆرا رۆژنامه‌ڤانێن دهۆكێ، كو ژ هه‌موو حزب و لایه‌نان دپشكداربوون ل سه‌یرانگه‌ها بابلۆ رێكخست و هژماره‌كا بڕگه‌یێن جودا هاتنه پێشكێشكرن.
ڤیان عه‌باس، به‌رپرسا سه‌ندیكا رۆژنامه‌ڤانێن كوردستانێ/لقێ دهۆك، د په‌یڤه‌كێ دا سلاڤ و رێزێن (د.عه‌لی ته‌ته‌ر) پارێزگه‌رێ دهۆكێ، گه‌هانده هه‌موو رۆژنامه‌ڤانێن دهۆكێ و رۆژا رۆژنامه‌ڤانیا كوردی ل هه‌موویان پبرۆزكر، هه‌روه‌سا دیاركر ئه‌و وه‌ك كارگێڕیا پارێزگه‌رێ دێ هه‌موو ده‌ما پالپشت و پشته‌ڤانێن رۆژنامه‌ڤانان بن، چنكو وان باوه‌ری ب ئازادیا رۆژنامه‌ڤانیێ هه‌روه‌سا ڕاده‌ربڕینێ هه‌یه و گۆت: هه‌موو ده‌مان ده‌رگه‌هێ پارێزگه‌هێ بۆ هه‌ر پالپشتی و پشته‌ڤانیه‌كێ بۆ وان یێ ڤه‌كری یه.
حاكم (ئازاد حه‌مه ئه‌مین) نه‌قیبێ سه‌ندیكا رۆژنامه‌ڤانێن كوردستانێ، د په‌یڤه‌كێ دا سوپاسیا پارێزگه‌رێ دهۆكێ، هه‌روه‌سا سه‌ندیكا رۆژنامه‌ڤانێن كوردستانێ/لقێ دهۆك كر بۆ رێكخستنا ڤێ سه‌یرانێ و دیاركر كو سه‌برانێن هوسا گرنگیه‌كا ئێكجار زۆر هه‌یه و ژ رۆژنامه‌ڤانێن دهۆكێ خواست هه‌موو ب پیشه‌یانه كار و ئه‌ركێن خوه یێن رۆژنامه‌ڤانی بجه بینن، هه‌روه‌سا سوپاسیا حكومه‌تا هه‌رێما كوردستانێ كر ژبۆ پشته‌ڤانیا وانا به‌رده‌وام بۆ سه‌ندیكا رۆژنامه‌ڤانان و دیاركر كو وان هنده‌ك پرۆه‌ژه‌یێن بۆ باشتركرنا ره‌وشا رۆژنامه‌ڤانان و كه‌نالێن راگه‌هاندنێ ل كوردستانێ هه‌نه، لێ ئه‌و چاڤه‌ڕێی پێكئینانا كابینه‌یا نوو یا حكومه‌تا هه‌رێما كوردستانێ نه و ئه‌و پرۆژه دێ كه‌ڤنه دبۆارێ بجه ئینانێ دا.
د دووڤدا هژماره‌كا خه‌لاتان هاته پێشكێشكرن، هه‌روه‌سا چه‌ند بڕگه‌یێن دی یێن هونه‌ری و وێ سه‌یرانێ تا دره‌نگی ئێڤاری ڤه‌كێشا.
