ناجح بێجانی
هەکە ڤەگەرین دێروکێ دێ خۆیا بت هەر بگرە ژ ئیماراتێن کوردان ژبلی دژمنین مە یێن داگیرکر و هەتا ئەڤرۆیا مە هەبوونا مەژی پێ قەبوول نینە، چێدبت ئەم بخوە ژی هوکاربوون، ژبەرکو دووبەرەکیی و خالێن لاوازییا مە بوون، بوونە هوکارێن ژ ناڤچوونا دەستهەلاتداریا وی سەردەمی و ناکوکێن بنەمالیێ.
ل سەر دەستهەلاتی دێ بوومە خۆیا بت ئانکو (کرمێ دارێ ژ دارێ نەبت زەوالێ وێ نینە) هەردەما کورد تووشی نەهامەتیەکێ بوون ئەم دژمنێن خوە گونەهبار دکن، ئەڤە چەند یا ڕاستە، بۆچی ئەم خوە سوجبار ناکن وخالێن لاوازییا خوە بگەرهن بەرچاڤ بکن بۆ چارەسەرکرنێ؟ ژبەر چی ئەڤە بەسەرێ مە دهێتن؟ گەلەک جاران مە چەرخ وفەلەک یا کرییە هوکار، ئانکو هەمی گاڤا هەتا نوکە ئاشیێ مە بەرەڤاژی دزڤریت ئەز باوەر ناکم ئەگەر ئەم بخوە هوکار نەبن، ب تنێ بۆ ئێک جار مە هزرا خوە باش کرییە و بۆچی هوکار چینە ددیرۆکا گەلەک وەلاتاندا دشەریێن مەزن دا دەربازببونە ئێکدو کوشتنە و لدووماهیکێ ب هەڤڕا ئاشت بوونە ژ بۆ وان بوویە دەرس و عیبەرەت مفا ژێ دیتی یە، چونکی دیاربوویە کو ژ بلی ئێکڕێزی و هەڤڕا کەس قازانج ناکەت ،ئەرێ بۆچی ئەم کورد هەتا نوکە ب سەروچاڤێن وئێکدو ڤەینە بۆ شکاندنا ئێکدو زیرەکین، بەری (٣٠٠) سالان زێدەتر (ئەحمەدێ خانی) هەست ب لاوازییا مەکرییە، لەوما داخواز کرییە ئێکڕێز بن وهەروەسا هەلبەستڤانێ مەزن (جەگەرخوین) ژی ئەڤ دوپاتکرییە ئانکو ژبلی ئێکڕێزی موستەحیلاتانە سەربکەڤن، ئەرێ بۆچی ئەم کورد دەرفەتا ژ دەست دەن؟ پا بۆچی ئەم داخوازا دەرفەتا دکن؟ چەند جاران بدەستمەڤەهاتیە پاشی پەشێمان بووینە چەندان جاران مە ئێکدو گونەهبارکرییە ولایەنەک بوویە هوکارێ ژ دەستدانا دەرفەتا، نوکە ئەڤ ناڤچا ئەم تێدا دژین یا بەرەف گۆهۆریناڤە دچت و هندەک ژوان ب بەرنامە وپلان وهندەک ژی ژبەرکو ئاریشێن چەندین سالان ل سەرێک کۆمڤەبوونە وبێ چارەسەری مانەو بوونە هوکارێ ڤان گۆهورینا ئەڤ پارچا ئەم دبيژنێ کوردستان یا دناڤ ڤان گۆهوریناندا دەرفەتەک زێرینە بۆ کوردێن ڕۆژئاڤا و کوردیێن باکور ژی یا بەرەف چارەسەریێ یە ب رێیا ئاشتیێ و بێ دەنگ کرنا چەکێ، هەروەسا هەگەر دانوستاندنێن ئەمریکا ئیرانێ بە نەرینی بن دبت ب گشتی دبەرژەوەندییا کورداندا بت وکوردیێن رۆژهەلات دێ مفای ژی ئەڤێ دووبەرکییێ بن، ب تنێ سەر مە کوردا ئەڤەیە ئەم ئێکڕێز بن بەلێ چاوا ب وئێک هزرو بیرو باوەری د بەرژەوندییا کوردستانێ دا دوور ژ خۆسەپاندنا لایەنەکی سەر لایەنەکی، دەما هندێ یە ئێکدو قەبوول بکن دەست دناڤ دەستدا بۆ بدەستڤەئینانە ئەوێ ئامانجا یا کوردا ب سالان خەبات وتێکوشینێ بۆکری ژ سەخمەراتی ئازاد وسەربەست وبژین ل سەر ئاخا خوە ب بن خودان سەروەرییا خوە، چونکی کورد ژهەژینە، ئەڤە ژ ب تنێ ب ئێکڕێزیێ تەبایی بێ جوداهی دوور ژ خۆبایێ هیڤیدارم مە عیبرەت ژ رابوردووێ خوە وەرگرتبن جارەکا دی بزمارێ ل پاپۆرا خوە نەدین وژێر ئاڤ ب بن، ئێدی پەشیمانێ مفای نا دیتە مە ،ئێدی دیرووک ژی رەحمێ ب مە نابت ،سەر رەفتارێن مە و خودێ کوردستانا مە بپاڕێزت.
