ئالاء یزدین
ئەندازیار و راوێژکارا پەروەردەیی
زیانێن مانا زاروکی هشیار تا درەنگ
1. تێکچونا سیستەمێ خارنێ
2. نە وەرگرتنا مفایێ روژێ
3. تێکچونا بەرگرییا لەشی
4. توشبوون ب نەنڤستنێ
5. هەستکرن ب وەستیان و بێهێزی
6. کارتێکرنێن گەشەیی
زیانێن مانا زاروکی هشیار تا درەنگ
رونکرن
1. زاروک یێ پێتڤی ب سیستەمەکێ خارنێ یێ ساخلەم و تمامە و مانا هشیار تا درەنگ تێکچونێ پەیدادکەت دڤی سیستەمیدا و گهورینا سیستەمێ خارنێ لدەف زاروکی، ژئەگەرێ نەخارنا تێشتێ ددەمێ دورستدا ، و دبیت لدەمێ فراڤینێ هشیاربیت و ئەڤە دبیتە ئەگەرێ ژدەستدانا مفایێ تێشتێ.
2. نڤستنا دەمەکێ درەنگ کارتێکرنا هەی لسەر روژا زاروکی و بو وی یا بزەحمەتە گەلەک چالاکییا ئەنجام بدرت بەرامبەر نڤستنا دەمەکێ زی و هشیاربوون سپێدێ زاروک دبینیت کو بەرامبەر وی روژەکا درێژە و دشیاندایە گەلەک چالاکیێن بمفا ئەنجامبدەت وەک وەرزش یان پێشئێخستنا بەهرەیەکێ.
3. تێکچوون دبەرگرییا لەشیدا پەیدا دبیت ژئەگەرێ نەنڤستن ب شێوەکێ درست و ئەڤە دبیتە ئەگەرێ زێدەبوونا مەترسییا توشبوون ب نەخوشیێن جیاواز.
4. زاروک زەحمەتێ دبینیت د نڤستن بشێوەکێ سروشتیدا ژ ئەگەرێ فێربوونا وی لسەر مانا هشیار لەورا بو دەمەکێ درێژ دمینیتە هشیار تا دنڤیت.
5. مانا هشیار و نڤستنا درەنگ و نەوەرگرتنا رێژا پێتڤی ژخەوێ دبیتە ئەگەرێ هەستکرن ب وەستییان و بێهێزی دەمێ هشیاربوونێ و ئەڤەژی کارتێکرنێ دکەتە سەر زەوقێ وی و شیانا وی لسەر ئەنجامدانا چالاکیێن روژانە یێن تایبەت و نە بوراندنا دەمی دگەل کەسێن دی.
6. نڤستنا دەمەکێ زی هاریکارییا گەشەیا زاروکی دکەت و هاریکارییا گەشا مێشکێ زاروکی دکەت بشێوەکێ باشتر و بتایبەتی نڤستنا شەڤێ بەلێ مانا هشیار دبیتە ئەگەرێ کێماسی دگەشەیا ساخلەم بو مێشك و لەشێ زاروکی
