نڤیسین: هیڤی عبدالستار حسن
زانکویا جیهان-دهۆک
بەشێ پەروەردا گشتی
هزر نەكە هەمی تشتێن تۆ ئەنجامددەی دڤێت د تەمام بن، تەمامەتی ئەو هەولدانن يێن ئەم بۆ كارەكی ئەنجامددەين مە بڤێت ب جوانترين و باشترين شێوە بهێتە بەرچاڤكرن مە دوو جورێن تەمامەتی د كاران دا يێن هەين.
جورێ ئێکێ یێ تەمامەتی ئەوە دەمێ كەسەك پلانەكێ بۆ ۆ بدانيت بۆ كرنا كارەكی، بەلێ وی كەسی هزرا هندێ هەیە کو شاشی يا هەی و رازیبوون ب وێ چەندێ ژی يا هەی ئەگەر هەمی تشت ب دلێ وی نەبوو ئەم بێژینە ڤێ چەندێ تەمامەتی يا ساخلەم. جورێ دووێ تەمامەتی ئەوە دەمێ ئاستەنگ بۆ تە درست بيت د ئەنجامدانا كارەکیدا تۆ زڤری و لومە ل نەڤسا خۆ بکەی يان كارێ خۆ دێ پاشئێخی يان دێ دەستا داهێلی ژ کارێ خۆ ئەگەر خۆ ئەو کارە خەونا ژیانا تەبیت چونکی تۆ یێ د وێ هزرێ دا، دڤێت كارێ تە سەد ژ سەدێ جهێ رازيبوونێ بيت و تە رازیبوون ب خەلەتی نينە ئەم بێژنە ڤی جوری تەمامەتی یا نەخوشی.
مەرجێ سەركەڤتنێ ئەو نينە دڤێت كار يێ درست بيت ب هەمی شێوەیان بەری هەر كارەكێ ئەم بكەين دڤێت ئەم وێ هزرێ بۆ بدانين دبيت سەركەڤتنێ نە ئينن دبيت هندەك ئاستەنگ بۆ مە پەیدا ببن د دەمێ کارکرنێدا دبيت بۆ دەمەکی ل پێنگاڤەكێ براوەستن ئەڤە هەمی دڤیت ب نورمالی سەرەدەری دگەل بهێتەکرن چونكی هەكە مە ئەڤ هزرە دانا ژلايێ دەروونی ڤە ئەم وی دەمی خۆ بەرهەڤ دکەن و هاریکاریا خۆ دکەن دەمێ كارێ مە درست نەهاتە ئەنجامدان وەکی مە پلان دانای مرۆڤ دێ یێ دویربی ژ پەستانێن دەروونی.
تەمامەتی چ هەبوونا خۆ د ژيواريدا نينە بەلێ ئەو بوچوون و هزرێن خەلكينە ئەو ژی وەكی ئارامی و ئاشتی و ئازادی و بەختەوەريێ تيگەهەكێ نموونەييە تۆ نەشێی وێ ب درستی ئەنجام بدەی، چونكی هەمی كاران كێماسی يێن هەين و تۆ نەشی موعجيزەيان پەیدابکەی و بكاربينی داكو سەد ژ سەدێ ب درستی کاران ئەنجام بدەی و د سەر ڤێ چەندێ دا ژی ئەم حەزدكەين هەمی تشتێن مە د ژيانيدا د تەمام بن ئەگەر تشتەكێ مە ل دويڤ وێ تەمامەتيا مە دڤيت درست نەبیت دێ بلەز توشی خەمگينیێ و بێهيڤيبونێ بين. بەلێ پا پيدڤيه تۆ يێ خوراگربی و د وێ هزرێ دا بی بۆ هەمی کاران بیروبوچون و هزرێن مەزن نەدانی دا دەروونێ تە تێک نەچیت و ئەگەر كارێن تە ب تەمامترين شێوە ب رێڤەنەچوون دێ هەست ب شكەستنێ كەی ل دەمێ تۆ بريارێ ل سەر سنورێن نموونەييا خۆ ددەی ئەڤە تە باشترين بزاڤا خۆ ب كيمترين تێچوكر و رامانا نموونەیێ ئەو نينە تو مرۆڤەكێ تەمام بی و خودان هەمی سالوخەتێن تەمام بی بەلكو رامانا وێ ئەوە تۆ بزانی و بشێ ل دەمێ نەگەهشتنا ئاستێ تەمامەتيێ گياني خۆ ژ هەرفتنێ بپاريزی و دڤيت بزانی د راستيدا مرۆڤ چ جاران نەشێن بگەهنە تەمامەتيێ چونكی تەمامەتی مینا پەلاتينكەكێ ياب زەحمەتە تۆ وێ بگری، بەلێ ئەگەر تە داخوازا تەمامەتيێ نەكر د کارێن خۆ دا دێ بەختەوەريێ ساناهی ب دەست خۆ ڤە ئێنی چونكی ئەگەر تە كارەك كر تە دڤێت ب تنێ گەهيە تمامەتی ل وي دەمی بزانە تۆ يی بزاڤێ كەی گەهيە تشتەكێ نەشێی بگەهيێ.
