نڤیسین: محمد احمد یوسڤ
زانکویا جیهان-دهۆک
بەشێ کارگێری کار
پێکڤە ژیان هەمی ئایین، ئول، نەتەوە و رەگەزان پێکڤە د کومەلگەهەکێدا بژین ب گیانەکێ خوشک و برایینی و نەبوونا توند و تیژیێ. ئاکنجیێن هەرێما کوردستانێ پێک دهێن ژ چەند ئایین و ئول و مەزهەبان هەمی ل ڤێ هەرێما بچویک پێکڤە دژین، هەرێما کوردستانێ بوویە نموونەیا پێکڤە ژیانێ ل سەرانسەری جیهانێ. هەروەسان کابینەیێن حکومەتێ گرنگیەکا زۆر دایە ئازادیا وەلاتیان بێی جوداهی و گرنگیدان ب مافێن وان، بەژداریان وان د بریارێن سیاسی دا ل هەرێمێ، هەبوونا نوونەرێن وان د ناڤا حکومەت و پەرلەمانی دا، ئەڤ ئاینێن جودا ل هەرێما کوردستانێ ل دەمێ بیروباوەر و هەلکەفتان هەمی ب ئێک هەست و دل بەژدار دبن، حکومەتێ ژی گرنگی دایە ب پاراستن و ئاسایشا ڤی جڤاکێ ئەو ئاینێن جیاواز تێدا دژین داکو هەردەم ئەڤ پێکڤە ژیانە ل هەرێما کوردستانێ ب مینیت، ل دەمێ دەرکەفتنا گروپێن تیرۆرستی ئەو کارەساتا وان ب سەرێ خوشک و برایێن ئێزدی و مەسیحی ئینایی پێشمەرگەی و خەلکێ کوردستانێ ڕۆلەکێ بەرچاڤ هەبوو د پاراستن و ڕزگارکرنا وان خوشک و برایان ژ هەمی لایەنا ڤە، ئەڤ پێکڤە ژیان و ئێمناهیا ل هەرێما کوردستانێ هەی بوویە دلگرانی بۆ گەلەک وەلاتێن دەوروبەر. وەکو ئەم دبینن و گوهـ لێ دبین ل گەلەک وەلاتان ب تنێ ئێک ئایین هەیە لێ گەلەک ئاریشە و ناکوکی لێ درست دبن، ئەو ئێمناهی و پێکڤە ژیانا ل کوردستانێ هەی دزڤریتە ڤە بو ڕۆلێ حکومەتێ و ڕەوشەنبیریا خەلکی، جهێ شانازیێ یە زێدەباری هەمی شەر و ئالوزی و ناکوکی و جیاوازیان، بەلێ کوردستانێ پێکڤە ژیانا خوە یا پاراستی، گەلەک ئاستەنگ و نەخوشی و کومکوژی ژی ب سەر کوردان ب درێژاهیا دیرۆکێ دا هاتینە پێخەمەت هەبوونا پێکڤە ژیانێ، پێکڤە ژیان ئەو تنێ نیە کو تاکێن ئاینێن جیاواز سەرەدانا ئێک و دوو دکەن، بەلکو پێکڤە ژیان ئەوە کو هەمی ئاین و نەتەوە پێکڤە کار بکەن و پێکڤە بژین و هەڤپشک بن د رێڤەبرنا کاروبارێن کوردستانێ، دوژمنێن مە و دورۆبەرێن مە بەردەوام خزمەتێ دکەن کو ئەرک و مافێن مە و پێکڤە ژیانا کوردستانێ و ئازادیێ و دیموکراسیێ و هەتا دوماهیێ تێکبدەن، لەوا گرنگە ئەم ژی بزاڤێن بهێزتر بکەین کو ل سەر ئاستێ نیڤدەولەتی پشتەڤانیەکا باشتر پەیدا بکەین، کوردستان وارگەهێ پێکڤە ژیانێ یە و چوو منەت ژی تێدا نینە کو رێزێ ل ئێک و دوو نەگرین و خزمەتا ئێک و دوو نەکەین، دڤێت ئاڤاکرنا جهێن ئاینی و ساخکرنا داب و نەریت و کەلتور و بنەمایێن پێکڤە ژیانێ بهێزتر بکەین، ژ هەمی ئاین و نەتەوەیێن جودا کەسێن خودان شیان بوینە بەرپرس و ئەندام پەرلەمان و خودان پلە و پوستێن جودا حکومەتا هەرێما کوردستانێ هاریکاری و پشتەڤانیا هەمیان دکەت، هەروەسا چەندین قەزا و کومەلگەهـ هەنە ئاینێن جودا تێدا دژین وەکو قەزا (شێخان) موسڵمان و ئێزدی و مەسیحی تێدا دژین و وەکو ناحیا (خانکێ) بسەر قەزا (سێمێلێ) ڤە و گوندێ (سێجێ) ب سەر قەزا سێمێلێ ڤە هەروەسان چەندین جهێن دی هوسا هەمی ئاین و مەزهەب و نەتەوە پێکڤە دژین ب گیانەکێ دلوڤانی.
