سیلاڤ بازێرکی
جوانیێ دڤی سەردەمی دا ڕولەکێ مەزن بخوڤە گرتیە ئەڤجا چ جوانیا ناڤ مالێ بیت یان جوانیا سەرو سیمای بیت د سەردەمێ نهوو دا ب تایبەتی ل وەلاتێ مە جاران پتر ژیا پێتڤی گرنگیێ ب جوانیێ ددەن هەتا وی ڕاددەی هێدی هێدی ئەنجام دانا نشتەگەریێن جوانکاریێ یا دبیتە کەلتور! تایبەت ژ لایێ خانمان پترییا ئافرەتان دبیت هیچ ئاریشەیەك د سەروسیمایێ خوە دا نەبیت لێ ژ بەر بکارئینانا زور یا فلتەران حەسدکەت شێوێ خوە ب گەهەریت بۆ هەمان شێوێ فلتەران بێی کۆ خوە شارازا بکەت د زانینا زیانێن نشتەگریێن جوانکاریێ
لێ ئەڤا دبیتە جهێ دلگرانیێ ئەڤ چەندە نینە بەلکو د باژێرێ مەدا دێ بینی دایکەکا ب دوگیان یا ئامادەیە ژ بەر بەروڕەکا جوان ژیانا زاڕویێ خوە بێخیتە د مەترسیێ دا! ئاریشە ل ڤێرێ دچیتە بەر دەستێ نوژدارێن نشتەگەریێن زاڕوك بوونێ دبیتن دایك هند یا ڕەوشەنبیر نەبیت دڤی بواریدا لێ نوژدار خودان کار و بەرپرسیاریەکا مەزنە نزانم چەوا ب بریارا دایکەکا بێ هەستێ دایکینیێ رازی دبن و زاروکی ژبەر مێژوویەکا جوان پێش وەخت د ئیننە هەبونێ د ڕاستی دا بەهەشت لبن پێت هەمی دایکان نینە و کارێ هەمی نوژداران ژی نە خزمەت کرن و پاراستنا ژیانا خەلکییە، ل دەڤ هندەك نوژداران ژی ژ مێژە پارەی جهێ مروڤایەتیێ یێ پڕ کری، ئەڤ چەندە ژی بەهرا پتر ل نەخوشخانەیێن تایبەت ڕوی ددەت،بەری چەند روژان ل وەلاتێ تورکیا سەبارەت نشتەگەریێن زاروکبونێ بریارەک هاتەدان کۆ “نابیت دایک ب حەزا خوە بریارا نشتەگەریێ بدەت بتنێ د رەوشێن پێتڤی دا دێ نشتەگەری بۆ هێتە ئەنجام دان“ د ڕاستی دا ئەم پتر ژ وەلاتێ تورکییا پێتڤی ب یاسایەکێ ژ ئەڤی جورینە
