دلژین عه‌بدولستار فه‌تاح
سۆشیال میدیا ئێک ژ پێشکەفتنێن تەکنەلۆجیایێ یە، کو ئەڤرۆ هەر کەسەکی ئەكاونتێن خۆ یێن تایبەت هەنە و دشێت کار و چالاکیێن خۆ تێدا بەلاڤ بکەت، کو بوویە ئەگەر ئاستێ ڕادەڕبرینێ زێدەببیت و هەر کەسەک بیرو بۆچوونێن خۆ د سۆشیالێ دا بگەهینیت، ئەڤە ژ بلی کەنالێن جۆڕاوجۆر، گرێدایی زارۆکان و یێن جڤاکی و وەرزشی و سیاسی و هونەری و..هتد، کو ب راستی هه‌تا راددەیەکێ زۆرێ باش ئیجابیاتێن خۆ هەنە، بەلێ تشتێ جهێ دلگرانیێ و نەخۆشیێ ئەوە دەما هندەک کەسێن نە بەرپرس و پارە پەرست سنوورێن خۆ یێن ئەخلاقی و جڤاکی و ئایینی و..هتد، د بەزینن و هەر چ هێلا سۆرە دەربازدکن، کو ب راستی بووینە جهێ تێکدان و خرابکرنا بەشەکی ژ جڤاکی ب تایبەت گەنجێن د تەمەنێ سنێلەیێ دا، ژبەر ئەو گەلەک بەرێخودانا وان جۆرە مرۆڤان دکەن، ژبەر ڤێ ژی داخوازێ ژ جهێن پەیوەندیدار دکەم سنوورەک بۆ وان جۆرە مرۆڤان بهێتە دانان و دادگەهـ بریارێ ل سەر بدەت، دا کو جڤاکا مە زێدەتر نەهێتە کرێتکرن ژلایێ وان ڤە.
پێدڤیە ئەم هەمی و هەڕ ئێک ل جهێ خۆ ب ئەرکێ خۆ راببیت و ڕێگریێ ل وان جۆرە مروڤان بکەت، ئەوێن نە کولتوورێ خۆ دزانن نە ئایینێ خۆ نە شەرمەکێ ژ خۆ ژ مالا خۆ و ژ جڤاكا خۆ دکەن، هەڕ ئێک ژ لایێ خۆڤە د سۆشیال میدیا خۆ دا بلۆک بکەت، دا کو هندەک بخۆ نەکەنە پیشە و لسەر بەردەوام بن.
ره‌وشنبیریا جڤاکی ژی زۆرا پێدڤیە، چ ژ لایێ دەزگه‌هێن راگەهاندنێ ڤە، چ ژ لایێ پەروەردێ ڤە، کو ڤان دیارده‌یێن کرێتنێن جڤاکی نەهێلن و بشێن ب کار و چالاکێن باش و جوان بگوهۆرن.
